即將再為人父的謝霆鋒，與張家輝及導演林超賢等昨日為新戲《綫人》開鏡拜神，一向瀟灑不拘小節的霆鋒上香時表現得異常神心，口中念念有詞。他接受訪問時不諱言除希望拍攝順利外，更順道為太太及腹中胎兒求福。
電影《綫人》昨日在尖沙嘴舉行開鏡拜神儀式，導演林超賢起用去年電影《証人》的原班人馬演出，並請白龍王擇吉時，由白龍王弟子主持儀式。一班演員謝霆鋒、張家輝、廖啟智、陸毅、鍾舒漫、吳浩康等，在白龍王弟子引領下逐一上香，一向表現灑脫的霆鋒依然踢拖上陣。不過當其餘演員迅速上完香時，他仍非常專注，口中念念有詞。
霆鋒接受訪問時承認為太太張栢芝及胎兒求福，他笑說：「乜嘢都順順利利啦。不過太太懷孕兩個幾月，未知係仔定女，不過比起第一胎，佢嘔多好多。而囝囝Lucas病緊，所以暫時都要分房瞓。」
唔識演床戲
對於電影中有不少動作場面，霆鋒表示不會錫身，不過就非常抗拒拍攝床上戲，他說：「導演同我講有場床戲，不過從影以來未拍過，所以未領悟到點拍，亦未ready。」
至於憑《証人》中演殺手榮升影帝的張家輝，今趟則轉演警察，剛好跟霆鋒上一次的角色對換。當被問到會否要拍床戲時，他表示不擔心：「今次同霆鋒一人分一場床戲，其實唔係刻意嘅，亦都唔使同老婆備案，我工作有自主權，喺屋企先至冇啫。」另外，他已經當面恭賀霆鋒並向他請教生仔秘方，他笑說：「我都問咗霆鋒有乜嘢神丹，佢話係靠天意同緣份。有時唔係想要就有。」
採訪：何永寧
攝影：林德雄
