前晚萬聖節，不少名人明星都扮鬼扮馬出席派對，名人蒲點dragon-i今年取名Doctor&NursesHalloweenParty的扮嘢派對上，主人翁楊其龍穿上醫生袍扮婦產科醫生，同場的木村乃以150元化身SM豹妹，但也不及在另一場合出現的莊思敏搞鬼，她以光頭側田look亮相，卻血流披面，甚為幽默。
蘭桂坊前晚有12萬人歡度萬聖節，城中也有多個扮鬼扮馬派對，其中楊其龍（Gilbert）旗下的dragon-i舉行Doctor&NursesHalloweenParty扮嘢派對，Gilbert身上掛上Gynecologist（婦科）的名牌。
與父親開餐廳
問Gilbert是扮那門專科醫生，他鬼馬地說：「你哋上google搜索一吓，個idea係我哋一齊諗嘅。」問有否護士女友一起出席派對，他笑言會於派對找，他又透露有新計劃說：「家籌備緊喺尖沙嘴1881Heritage開餐廳同概念店，同爹哋一齊投資，都投資咗過千萬。」
木村乃與日籍友人Hiromi一起出席派對，她以野性豹妹示人，頸上掛有黑色粗鐵鏈，甚有SMfeel，其友人則扮護士作狀為她打針，木村乃說：「我花咗150元喺旺角女人街買呢套衫，又喺中環石板街買其他配飾，用咗兩個鐘打扮。」
吳浩康被查證
此外，莊思敏與男友吳浩康拍拖出席中環一個派對，她扮成光頭側田，頭部更滲血，她說：「我未扮過光頭，用咗半個鐘搞掂。」問她怕不怕激嬲側田，她說：「玩吓啫，佢都係玩得之人，我諗佢唔會介意。」吳浩康則以《星球大戰》（StarWars）的尤達大師打扮，他更被兩名扮警察的外籍年輕人扮查身份證，場面十分搞笑。
採訪、攝影：JessicaNgan
