花旗股市非常波動，升銳退速嘅市況搞到人心虛怯，睇上禮拜五道指急挫近250點就知，不過大戶係散貨定收貨，要睇多陣先知。
港股上周五反彈近500點，重上20日線，今朝早睇嚟有機會打回原形，不過最緊要係低開之後可以推番上去，收市即使係稍跌，呢支陽燭都會好有力。
工行C輪18484：工商銀行（1398）季度業績理想，上日反彈上6.29元收市，今日早段或偏軟，但短線看好，有力重返7元樓上，可以諗吓隻C輪18484。
隻輪現價38.5仙，2010年4月19日到期，行使價7元，溢價17.4%，引伸波幅37.1%，有效槓桿6.36倍，正股升上7元，18484有機見72仙，如果正股跌穿6元就沽咗隻輪。
俊樺