退出樂壇21年的露雲娜（RowenaCortes），本來一直無意復出，豈料前晚她以神秘嘉賓身份現身賈思樂音樂會，與老友合唱一曲《EndlessLove》後竟唱出癮來，現正計劃減肥重出江湖。
前晚在尖沙嘴文化中心舉行的「賈思樂弦續友情30載音樂會」尾場，露雲娜在前經理人AndersNelsson陪同下忽然上台，令驚喜不已的賈思樂當場激動到眼濕濕，二人繼而在台上合唱一曲《EndlessLove》，之後露雲娜再獻唱《Ihonestlyloveyou》。
「把聲Keep得好靚」
事後賈思樂興奮地說：「好感動好surprise，我事前真係唔知，上台亦冇夾過。一個離開舞台20幾年嘅妹妹仔，把聲仲keep得好靚。」AndersNelsson昨日在電話中說：「Rowena噚日下晝突然打畀我，喺電話度喊，話老朋友賈思樂開騷，可唔可以幫佢安排。我為咗唔畀Louie（賈思樂）知，喺開騷前一個鐘偷偷運Rowena入後台匿埋，佢兩個喺台度一見面即刻大叫，場面好感動，大家都眼濕濕。Rowena話估唔到觀眾咁熱情，令佢好感動，搞到佢心郁郁想再唱歌，但就要減肥先，佢話家就即刻開始減肥喼弗喎。」
採訪：戴彩煥