【本報訊】曾蔭權近期政治風波纏身，民望一落千丈，天主教香港教區主教湯漢（圖）昨出席一公開場合時向這位虔誠天主教徒傳授「錦囊妙計」，寄語曾蔭權與異見人士「做朋友」，加強接觸與溝通，藉此化解矛盾，更叮囑曾蔭權要在政改問題上「為港人爭取到最多」。
湯漢昨出席一公開場合被問到曾蔭權捲進多宗政治風波時罕有地表明會為他祈禱，更指曾應與不同意見人士加強溝通：「希望佢能夠多啲同嗰啲意見唔同嘅人、大家多啲溝通，即係以佢哋為朋友，呢個就係大原則，要同所有嘅人做朋友，呢個就係宗教人士解決問題嘅方法。」
為港人爭取到最多
湯漢期望曾蔭權與異見人士成為「好朋友」，無非是希望相互間增強溝通，「即係唔同意見或者反對我哋意見嘅人，我哋都要盡量爭取一啲機會同佢哋溝通、磋商。」曾蔭權會否聽從其意見，湯漢似乎信心十足，指「我諗以特首嘅智慧、年齡，以及佢咁用心、虔誠的人，相信佢一定領悟到呢一點。」
政改方案快將出爐，湯漢也寄望曾蔭權多聽意見，指出：「要多啲了解香港人嘅期望」，「正如我上任時所講，佢喺有限嘅空間、有限嘅情況下，點樣可以為香港人爭取到最多呢？」
公民黨立法會議員湯家驊昨天在港台節目《給香港的信》也指出，特區在民主發展上出現重大分歧，原因之一是當權與被管治者缺乏互信，因為雙方連溝通對話機會都欠奉，強調市民對政改問題漸趨缺乏耐性，越來越多人支持激烈抗爭的社民連正是一個「警號」，強調「對話永遠不會太遲」，如果當局不欲重演05年政改被否決厄運，北京應與特區盡早展開對話。