吳雨霏（Kary）噚日喺大埔舉行新碟簽名會，問到男友有冇現身捧場？Kary反問：「點解佢要嚟？我唔知佢買咗幾多張碟，但佢係有誠意。」據知Kary同金牌大風已經傾好條件，佢會續約留低，今日喺Kary新碟祝捷會上宣佈。提到剛轉新公司嘅傅穎想鑲鑽大玩新形象，Kary就話藝人轉形象都係好事，佢透露曾想過喺耳背紋花㖭。