【本報訊】當日一句「我願意」，換來一段終日遭拳打腳踢的惶恐婚姻，求助社工，但社工卻處處推搪，「我幫唔到你」、「佢情緒好正常吖」，令家暴受害者求助無門。有婦女團體批評，部份社工工作欠認真，導致因精神病引發的家庭慘劇不斷發生。
「佢話幫我唔到」
39歲的阿芬01年從內地來港，未幾婚姻失敗返回內地，展開另一段婚姻，怎料丈夫好賭，輸光錢便對她拳打腳踢。忍無可忍下，她今年2月與5歲的女兒來港避夫，當日身上只剩下78元，只好找社工協助，「佢話78蚊係好少，但唔係冇，經濟援助係死人冧樓先可以申請，幫我唔到。」她又向社工透露有自殺念頭，社工繼續懶理，只叫她簽一份「君子協議書」，承諾日後一旦想自殺，要馬上致電輔導熱線求助。
群福婦女權益會主席廖銀鳳表示，部份社工處理家暴個案欠認真，即使求助者有明顯精神或情緒問題，該些社工更不會主動提供轉介。