柴九黎耀祥昨日以慈善組織小母牛的「做牛做馬」之星身份現身維園，同場還有奧運金牌運動員劉璇及李小鵬，及Soler等人擔任嘉賓。問到祥仔會否到山區作親善探訪，他表示：「未有時間，不過做藝人應該做多啲慈善，可以宣揚正面訊息。」
Dino結婚唔預圈中人
貴為今屆視帝大熱的祥仔對於鄧萃雯表態有信仰不渴求攞獎，他說：「有冇獎唔在乎，最緊要搵錢，有埋信仰就無敵。」問到他有否睇《宮心計》及《富貴門》，他說：「有睇《宮心計》覺得陳豪係勁敵，再攞就冧莊，佢好努力，自己屋企大把位，希望佢讓吓後輩，至於《富貴門》未有時間睇。」
此外，Soler的細孖Dino對於月尾婚事依然緊張：「15號結婚都七七八八，心情好興奮，Julio係我唯一圈中邀請嘅人，到時會做足過大禮嘅儀式。」
採訪：顏英儀 攝影：陳慧安