一向喜於中環一帶踩單車的周星馳，昨日到葵涌醉酒灣出席賽馬會國際小輪車場的開幕儀式，其間與民政事務局局長曾德成言談甚歡。星爺經常被發現於中環一帶踩單車，昨日他接受訪問時，亦提到希望能於正式場地練習，他說：「有咗呢度我直情會參加比賽啦，我冇參加過公開比賽，平時一有時間就踩，都想嚟呢度踩吓。」
冇留意青蜂俠
問到新電影的籌備進度時，星爺說：「家準備緊，出年啦，題材應該都係體育呀動作呀咁。頭先有人提議少林單車，都可以喎。」問到今次計劃會與內地資金還是美國資金合作時，他說：「有啲project同內地，有啲就國外，budget呢啲就遲啲先講啦。」
早前周杰倫接替星爺飾演的青蜂俠造型曝光，不過星爺卻表示未有留意，他說：「得唔得呀？我好少睇報紙，冇乜留意。」之後又有記者問到星爺是否將持有的山頂豪宅天比高放售，他聞言即說：「今日唔好講呢啲嘢。」
採訪：藍文浩 攝影：葉君海