萬聖節前夕群鬼亂舞，好多教會中人睇見小朋友、後生仔以扮鬼為樂真係擰晒頭，恐防人人搞鬼遲早走火入魔，前高官馬時亨太太王培琪創立嘅基督教團體「全城更新」，之前一連兩日包起馬灣挪亞方舟主題公園，舉辦「喜悅之城」活動，以沙灘BBQ派對同戶外音樂會傳福音，抗衡萬聖節鬼聲鬼氣。
呢個活動充滿正能量，馬時亨姪仔Jaeson馬正遠係牧師，出面邀請台灣藝人吳建豪到場表演，仲有隊知名福音樂隊JoshuaWorship演出。
馬時亨笑言自己老餅，唔識得偶像派明星，不過入場年輕人卻好興奮，佢自己則同準中大新校長沈祖堯講男人經，由事業講到家庭，講足三個鐘頭。