【澳門直擊】無綫《翡翠歌星賀台慶》昨日在澳門新濠天地錄影，出席歌手包括容祖兒、古巨基、陳奕迅（Eason）、謝安琪（Kay）和楊千等。多次傳出婚外情的Eason和Kay雖然同場，但兩人均前後腳出入，反而張繼聰在後台與Eason有傾有講，毫無芥蒂。
古巨基、陳奕迅、庾澄慶、謝安琪、容祖兒、楊千嬅、方力申、吳雨霏、黃宗澤（Bosco）、林峯和鍾嘉欣等歌手，昨日到澳門新濠天地君悅酒店錄影無綫《翡翠歌星賀台慶》。近日頻傳緋聞的Eason和Kay同場出現，現場所見Kay的丈夫張繼聰與Eason有傾有講，絕沒因緋聞而顯得避忌。
古巨基節目開始時介紹歌手出場，張繼聰獨自出場，Kay和Eason則一起出場，但兩人未有拖手。缺席的歌手鄭秀文、李克勤和黎明及國際天后瑪麗嘉兒（MariahCarey）也錄影片段祝賀無綫生日。
千嬅唱歌甩嘴
千嬅和祖兒互唱金曲時，唱功高下立見，千嬅唱出《小城大事》和《烈女》時皆有甩嘴，認真失威。事前千嬅透露會唱祖兒的《華麗邂逅》，又謂當年與丁子高拍拖唱K時都唱過這歌，問她是否以歌示愛？她說：「我同佢唱K，佢成日點歌唱逼我聽。」記者笑言丁子高是否想再戰樂壇？千嬅即潑冷水說：「唔好，咁大單，佢做生意潛質大啲，如果早5、7年識佢，我會介紹經理畀佢同教佢揀歌。」千嬅又繼續讚老公，指嫁到丁子高是行運，否則可能沒人娶她。對於張栢芝再懷孕，千嬅指自己兩年內暫不生育。
Eason讚霆鋒勁
Eason和祖兒則合唱《Victory》，兩人均恭喜好友謝霆鋒再做爸爸，Eason笑說：「一聽佢個名就知佢得啦，我就冇諗呢個問題。」祖兒指數日前發覺霆鋒肥了，估計是陪太太栢芝吃補品而增磅。
採訪：馬建華 攝影：黃文成
花絮
黃宗澤尷尬遇甄穎珊
黃宗澤（Bosco小圖）和舊愛Freeze成員甄穎珊昨日同樣有份演出，事前有傳兩人一同表演，開騷前問Bosco此事，他表示只會跟江若琳和羽翹同場演出。眾人在後台準備時，甄穎珊和Freeze成員石詠莉和陳樂榣剛巧站在Bosco附近，現場見男方露出尷尬神情，想迴避舊愛。
金牌歌手齊齊遲到
大會安排歌手於傍晚6時45分開始行紅地毯，歌手於7時許陸續到達，但近8時才見金牌大風歌手方力申、鄧麗欣、吳雨霏、小肥和RubberBand出現。事後方力申、鄧麗欣和吳雨霏解釋與大會出現溝通問題，他們說：「大會安排歌手坐接駁車，齊人就開車，點知漏咗我哋唔知，後來再搵車接番我哋。」
嘟嘟玩盡緋聞男女
鄭裕玲（嘟嘟）、楊千嬅和容祖兒將緋聞男女擺上枱，千嬅說：「方力申同Stephy多咗個Rainbow，阿Lynn又多個Mango，又話十月圍城。」祖兒說：「Fiona（薛凱琪）又有房祖名同方大同。」接着嘟嘟笑祖兒說：「你最冇用，得日籍男、C君同唐老鴨。」C君即說：「係咪講我呀？」祖兒說：「我好努力唱歌o架。」
