商業社會，萬聖節也越受港人歡迎，賣玩具賣酒嘅也好，海洋公園迪士尼也好，視為搵大錢嘅良機；今天英超早場倫敦打吡，決冒進取阿仙奴[-1]殺低宿敵熱刺，希望大家齊贏，夜晚出去狂歡！
梅里達「浸」足4年
倫敦打吡踢頭場，車仔紅軍「居中」，紅魔守尾門，呢個市場策略相信無人能及英超賽會諗得到。有英超睇嘅香港酒吧碰巧今晚萬聖節，肯定賣個滿堂紅，誇啲講發市當3年；市場營運策略當以建立品牌為最亮點，你看周中英聯盃，阿仙奴嘅阿聯酋球場坐滿6萬人睇兩支二線兵，呢個非凡魅力何在？人家多年來堅持進攻足球理念，唔係省油嘅燈。再看19歲嘅西班牙小將法蘭梅里達，一出即光芒四射，仲傳出馬體會準備以千萬鎊羅致；其實阿仙奴4年前從巴塞青訓撬走，慢慢培育，供書教學讓他融入英國文化，家先叫嶄露頭角。
羅生高價盡收本地華將學不到，楊生喺伯明翰明天招呼曼城嘅大戰，準備半價促銷門票搞旺個場，更係唔同嘅思維級數；品牌唔係靠門面功夫，搞波有誠意，就算冇盃落袋，球迷自會感受得到掏腰包入場。
今天熱刺作客缺前線兩大主力，到阿仙奴一隊上場對球會死敵，後者肯定唔會揸流攤，博主隊贏兩球，踢完都仲係10點幾，這個周末仲有排happy啦！
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六13阿仙奴勝[-1]（2.35）
星期六19保頓大（1.72）x
星期六53曼聯勝[-1]（1.55）2x1
簡評：阿仙奴[-1]好分，點解唔博？