人到中年，腩肉漸長、髮線漸上移，開始有份衝動想用大哥賣廣告嗰隻洗髮水；好彩幼女精力過剩，日對夜對受佢影響，區區立志做個健康人，繼參加完足球領袖班，下個目標係跑渣馬！
學星爺話齋：時間係唔會等人。細閱張報名表，驚覺自己今年係最後一年列入「壯年組」，來年就要升去「先進1組」，更加堅定我參賽嘅決心。所謂毋負青春，人家趁青春留倩影，我就趁青春跑渣馬。諗番轉頭，自從中學參加學校長跑會比賽，好耐無認真備戰，但求經此一戰，腩肉消、髮濃密。
呢個世界有啲嘢係要逼出嚟，曼聯上場聯賽慘敗，嗰份戰意，布力般有排受。
藍鑽石
近5場往績：LWLWW
讓球主客和：曼聯勝[-1]
心得：紅魔聯賽甚少衰兩嘴