今日係萬聖節，即係鬼佬嘅鬼節，不過，同中國人嘅鬼節比，就熱鬧有餘而恐怖不足。呢點亦同西方恐怖片一樣，就算視覺上幾咁恐怖核突，但就少咗一份令人不寒而慄嘅感覺。咁多年嚟，我睇過最恐怖嘅西方鬼片，就得《驅魔人》；反而亞洲嘅鬼片就真係越睇越驚，好似日本嘅《午夜凶鈴》、南韓嘅《姊魅情深》，仲有一系列泰國鬼片。至於香港就較為奇怪，電視台拍嘅恐怖節目，分分鐘仲得人驚過電影，好似以前三色台嘅《迷離境界》同埋亞視嗰啲恐怖單元劇，睇完之後真係會驚到瞓唔着。
我輸到得人驚嘅推介，終於憑住上次推介車仔「主勝」得手而止跌，今期推介阿仙奴迎熱刺開「大」，就絕對唔係嚇鬼。
吾中
近5場往績：WLLLL
入球大細：阿仙奴大
心得：兵工廠一眾前鋒極「弗」