【巴黎直擊】自從愛上、發現Chaneljacket是這麼適合自己之後，星級化妝師Zing從此就focus找尋Chaneljacket，這份專注與熱情與他愛化妝像平行線般雙線而行，早前Zing往巴黎公幹，就往RueCambon的CocoChanel故居蒲了兩小時，愛Chanel是因為整件事的形象、氣氛、精神的他，喜悅地感受到這apartment的一事一物是如何神奇地令人得着無窮無盡的靈感。 撰文：梁錦貞
買、儲、着Chanel之前，Zing如所有男子組一樣，都是四處shop，但6年前開始擁有Chaneljacket之後，一發不可收拾，至今的Chaneljacket存量已達近70件，他說：「着過啲咁仔細手工嘅褸之後，根本返唔到轉頭、接受唔到其他嘢，而且呢個年頭、或者可以話係心態上最正確嘅時候，Chaneljacket線條簡單、手工精細，好多人話Chanel好『老』好『太』，但係着喺男人身上完全冇諗呢個問題。」專注搜尋Chaneljacket的他，那份瞓身的專注與他對化妝的熱愛直是不偏不倚的雙線行走。
平貴雅俗共賞
早前巴黎時裝節舉行期間，Zing因工作也在當地，除了看了2010春夏Chanel騷外，也在不向外間開放的CocoChanelApartment參觀了兩小時，Zing說：「我鍾意Chanel係鍾意佢成件事嘅形象、氣氛同精神，着咗Chanel都咁多年，都希望去apartment感受一下，我作為Chanelfans，嚟之前當然有嗰啲將會見到自己鍾意嘅明星又怕見到真人會失望嘅心情，但係當入到apartment近距離見到家具實物擺設，當然係靚過睇相好多，佈局複雜混亂中有章法，亦更加明白點解KarlLagerfeld靈感可以咁無窮無盡，因為呢度真係令人好inspiring、好relaxed。」
Zing又說：「我不嬲就好鍾意Rococo呢類金碧輝煌嘅風格，apartment，你見到係大大細細、平平貴貴撈埋一碟，出嚟嘅效果可以咁正！正如CocoChanel生前戴大抽大抽珍珠鏈，係將真真假假、平平貴貴，唔使件件係正嘢，佢形容係當垃圾咁戴！我覺得佢喺咁多年前已經有呢個諗法，真係好punk！
引發無限靈感
「所以apartment裏面、大小擺設，未必件件係正嘢，12塊中國屏風裏面，可能就有一兩塊係平嘢，喺呢度，會有好強烈嘅感覺，身上件褸一忽布一粒鈕都同呢度有關，嚟搵靈感真係一流，更加鞏固咗我呢種心態：唔好藐視身邊嘅環境，俾靚嘢包圍靈感真係會係endless。不過小小真心感覺：呢度攞靈感真係一絕！攞完就好走啦！因為作為一間apartment，呢度唔算好hea，可能女人真係唔識或者唔注重裝修，唔講求舒服實用，男人就唔同啦！
「要經KarlLagerfeldapproved嘅Chanelshop就好好hea，佢就係好聰明細心將apartment嘅精神元素transformed落舖頭，所以喺Chanel舖hea一日都唔見悶，買嘢會好『啹』！唔知係唔係因為apartment唔好hea，CocoChanel自己都會打道回府返Ritz瞓。」
攝影：TitiKwan
Coco熱愛古老東方文化
人所共知，CocoChanel發迹成名後有兩大行宮，一是真正就寢的麗斯酒店（HotelRitz），另一就是位於巴黎RueCambon31的故居，CocoChanelApartment面積約80平方米，裏面設計裝潢金碧輝煌，Rococo及Baroque風格極濃。
CocoChanel將不同元素、不同年代文化背景的家具擺設混在一起，如一進門就擺了18世紀的摩爾人雕像，各代表「請進」及「慢走」，玻璃桌上有獅子雕刻，代表着CocoChanel的星座。
放置中國屏風
另外，還有古埃及面具、在印度購買的32面中國古董屏風、又有不同宗教的物品如天主教的聖經、十字架、中國佛像，她還收集了不少象徵好運的小物如稻穗、青蛙、鹿等，看似雜亂，但卻是全世界雜亂豐富多元的品味apartment。
