港股連續三日大插，累計跌幅超過1300點，大市昨低見21134，收21264。昨日大市沽壓甚重，不過低位亦有買盤入市，大市成交增至808億元。
坊間唔少散戶都話，10月份港股走勢同上個月有啲相似，都係月初炒上，然後到期指結算前就大幅回落，如果再來一次，11月初港股可能否極泰來。
中國南車（1766）剛公佈第三季業績，按內地會計準則，收入上升約13.6%至108億元（人民幣．下同），純利按年上升64%至4.13億元，主要係去年同期公允值損失大幅收窄；至於首三季業績則錄得純利10.4億元，按年少賺2%，表現無乜驚喜。
該股昨隨大市下跌3.3%，收報4.41元，股價過去3個月大部份時間都在4.10元至4.70元上落，走勢未見突破前，入市暫宜炒波幅，低買高沽，不宜高追，建議候4.20元水平伺機買入，中線目標5元。
方星俠