年屆65歲嘅柳傳志，身兼聯想集團（992）主席及母公司聯想控股新一任董事長，最近接受中國經濟網訪問，就以「賽馬中識別好馬」，講解佢挑選繼任人嘅心得。柳總話，揀繼任人嘅標準好明確，除咗目光要高要遠之外，關鍵係要認同聯想嘅核心價值，就係要求實、進取。求實包括誠信嘅意思，進取包括目光高遠。
另外，柳總亦強調學習能力，因為今日做嘅事係以前冇做過，未來嘅事今日亦冇做過，所以要知道點樣去實踐同喺書本中嘅知識，然後互相結合，開展新嘅業務。所謂「路遙知馬力」，好似揀馬咁，又要識練又要識講，所以挑選繼任人需要經歷好長嘅考核過程。