鍾楚紅昨日往中環出席代言活動，自言沒有追求者的她近年專注烹飪、種花及四處旅行，無論探訪山區或豪華嘆世界她都樂在其中，問到與亡夫朱家鼎共同構思的峇里度假村進度，她指這是兩人的dream，人不在她也不想睹物思人。
現年49歲的鍾楚紅昨日現身中環，出席由她任代言人的護膚品牌reenex「愛笑只因膠原」宣傳活動，紅姑穿戴HerverLeger裙子，約值128萬伯爵珠寶包括巨型藍寶戒指、腕錶及耳環等，以及RogerVivier鞋履，一貫高貴迷人。
問到紅姑保養之道，她說：「最緊要開心，同埋好好彩做呢個牌子代言人，做咗treatment塊面真係firm咗同埋好有光澤，我好鍾意陽光、係個朝早人，平時鍾意煮吓嘢食、種吓花同周圍旅行。」紅姑的招牌笑容深入民心，她心目中擁有timelesssmile的主角卻是德蘭修女，她說：「佢嘅笑容平和、偉大，同埋充滿愛。」
怕睹物思人
現場展出3張紅姑近年往山區探訪旅行時拍的照片，問她會否出影集？她謙虛說：「又唔係咁正啫、唔敢出住。」鍾情旅行的她指自己口味極端，接受到窮鄉僻壤，也享受嘆世界，她希望下一站去南美智利、秘魯等地，她說：「不過可惜冇伴。」記者即問她有否追求者？她說：「冇乜呀！係直情冇呀！」問紅姑會否有勇氣整容？她即搞笑又自信說：「吓？我都要整？」
對於與亡夫朱家鼎共同構思的峇里度假村，紅姑已全權交由公司負責，她說：「呢個係我同佢一齊時嘅夢想，佢唔喺度我都唔想睇番。」
採訪：顏英儀 攝影：仇志德
紅姑怕做甘草拒復出
養尊處優多年的紅姑，近年只接拍廣告，問她還希望接拍甚麼類型產品廣告？她說：「隨緣啦！我唔想害人，都要自己試過係好先得，唔通拍電飯煲同雪櫃廣告咩？咁師奶！我唔係怕辛苦，經過咁多年拍戲嘅訓練，我好捱得o架啦，不過再拍戲就唔諗啦，叫我做甘草咩，周不時有人畀劇本我睇，都冇一個令我心動。」
