足總前日公佈咗下個月18號對日本嗰場亞盃外嘅港隊名單，雖然唔係「港南」，但23個球員當中有20個嚟自「南、飛」，又再引起公眾爭論。前港隊總監梁守志（Peter）話︰「家嘅情況已經到咗唔屬於某系嘅球員，就算你幾努力都唔會入選到港隊；歐陽耀冲傷癒復出，只係後備踢過一場亞協盃，又冇乜表現都可以入選！」我求大俠之後上去《球迷大聯盟》討論區睇吓，亦見到唔少網民炮轟此事。唉，傑志好幾個常規港腳都落選，中場林嘉緯噚日練波時話，對落選港隊唔係太失望，但對住南華就一定會打爭氣波，唔通想喺對手嘅港隊教練金判坤面前證明自己？