人逢喜事加人工？繼四叔李兆基二公子家誠唔知係咪生多個化骨龍而獲老頭子加薪後，噚日出爐嘅新世界發展（017）年報就披露，主席鄭裕彤好幫得手、下個月做老襯嘅寶貝長孫鄭志剛，人工由舊年度510萬加到800萬齊頭，加幅近57%；又結婚又大幅加薪，果真老襯當旺！
純官減薪四巴仙
至於佢啲叔父輩人工又點呢？阿爺彤叔人工無變，30萬。被傳同「BlueBlood名媛」生咗個BB仔嘅阿爸鄭家純，人工就由3580萬減到3440萬，減幅3.9%。至於力撐「純官」挑戰立法會嘅老臣子梁志堅，人工就由680萬加到730萬，加幅7.4%。