廣播劇從來都是電台節目，從《18樓C座》的諷刺時弊，到每間電台都有的愛情偶像劇，總有一班捧場客。薛凱琪、周柏豪和新人周子揚，近日與中文大學新聞與傳播學院的學生合作，製作廣播劇《戀愛嘉年華》。薛凱琪飾演學生，與周柏豪和周子揚大搞三角戀。
由中大新聞系一年級30位同學製作的廣播劇《戀愛嘉年華》，請來薛凱琪、周柏豪和周子揚演出。薛凱琪飾演日本文化研究系學生，與周柏豪和周子揚大搞三角戀。三人今次為協助學生演出，除不收分文外，錄音當日更自備大量零食到中大準備長期作戰。一班學生於空閒時間就如小fans般要求合照和簽名，但他們錄音期間即十分專注和專業。
憶大學趣事
首次與大學生合作的薛凱琪說：「今次應該會好好玩，佢哋好易同好好笑，一齊做嘢感覺好輕鬆，仲令我諗番讀大學時做project嘅情況。」她提到曾與同學合作拍攝短片功課，最後卻笑料百出，她說：「我讀CreativeMedia，有一次要拍片，美術、服裝同演員都自己做晒，又要買油漆，自己手工做窗簾，仲要鋸木，真係做到嘔，最後仲做埋導演同剪接，真係好辛苦，但係好好玩。」
周柏豪與師弟周子揚今次與一班大學生合作，也勾起不少往事，周柏豪說：「諗番起以前喺錄音室做engineer嘅日子，同佢哋合作覺得好好玩。」
採訪：藍文浩 攝影：陳慧安