玄學家麥玲玲同蔡瀾噚日以嘉賓身份，喺尖沙嘴出席台山地王廣場發佈會，麥玲玲早前為該商場地段進行實地考察同風水觀測，佢透露發展商畀佢半買半送揀咗個靚舖位。麥玲玲話：「我鍾意較大嘅舖位，而且價錢唔算太貴。」麥玲玲喺內地有投資唔少物業，佢話：「我會以長線角度投資，內地商舖升值潛力好大。」