姜大偉噚日到港台分享以前光輝經歷，講到一眾後輩，佢話自己偏心睇好古天樂同黃宗澤，覺得佢哋勤力又對演藝事業有熱誠。問到會否對女婿曹永廉要求特別高，佢話梗係唔會，因為女婿本身對自己嘅要求已經好高。姜大偉又話其實對任何人意見都會接受，只要有道理就會去聽，唔會分乜嘢前輩後輩。