鄭伊健久別樂壇，最近他不但簽唱片公司，還鐵定於12月18及19日，在紅館舉行兩場名為「友情歲月09演唱會」，下星期一（2日）將會作優先訂票。
疤痕太大好礙眼
日前伊健拍攝演唱會海報，找來好友朱祖兒擔任美術總監，原本朱祖兒安排大批靚衫給伊健穿上影相，但他忽發奇想，要求伊健除衫赤膊上陣展露42吋胸肌，各人甫見到伊健的胸肌即大讚特讚，認為效果很理想，但怎料朱祖兒卻即時喊停要求伊健穿回上衣。
伊健昨日解釋說：「因為祖兒嫌我右胸條疤痕太大，好礙眼，所以唔畀我除衫。其實條疤痕係早幾年拍戲時整親，但係當時冇理，點知我每次整傷身體其他部份，條疤痕又會生大啲，可能係啲細胞生長啩，祖兒話唔夠完美好核突喎。」
不過伊健狀態很弗，他表示早於電影《風雲II》開拍前，因為知道要應付大量動作鏡頭，故此刻意操弗練大隻，加上平時也有做健身及跑步，故此身形一直保持得不錯，但他不忘搞笑說：「家做男歌手要攞個胸出嚟騷畀大家睇，真係慘啦。」
老友小春做嘉賓
屆時除了大跳勁舞外，伊健還會和一位性感尤物大跳貼身舞，問到為何不索性找女友蒙嘉慧上場？伊健老實不客氣直說：「佢唔夠性感啦，所以要搵個性感過佢。」故此他現正努力物色合適人選。
伊健今次個唱還有其他老友如陳小春等人擔任嘉賓演出，難怪伊健一想到個唱名稱便衝口而出說：「咁多朋友幫手，梗係要叫友情歲月啦。」
採訪：麥佩儀