花旗股市跌咗兩日勁嘅，前晚喘穩，不過港股續跌，恒指又唔見408點，兩日加埋跌咗828點，22000關同10日線都失守，不過成交唔算大，暫時都係當期指結算效應睇。
呢幾日地產股借政府關注樓市嘅消息調整，主要股份都跌番落上禮拜嘅起步點，又可以再留意。
新地C輪17888：新鴻基地產（016）昨收116元，跌1.8%，股價企喺20日線水平收市，有反彈條件，破咗121.20元會再試130元，翻兜C輪17888。隻輪現價16仙，2010年5月31日到期，行使價114元，溢價12.1%，引伸波幅46%，槓桿率7.3倍（有效4.1倍），正股升上130元，17888有機會升近25仙，正股跌穿110元就沽咗隻輪。
俊樺