陳國邦和羅敏莊將結束7年愛情長跑，於年底結婚。二人早前為婚紗店ZaraBride到日本影婚紗相，雖然碰到颱風侵襲，但無阻兩小口的甜蜜，更煙韌地享受了溫泉樂。
經過7年愛情長跑，41歲的陳國邦跟34歲的羅敏莊早前宣佈將於本年12月３日拉埋天窗，隨即被婚紗店ZaraBride看中成為代言人，本月初拉隊到日本輕井澤，由婚紗店老闆親自操刀為二人拍婚紗照。
颱風無礙心情
可是兩人到埗不久就遇着颱風茉莉侵襲，不過無阻二人的心情，羅敏莊接受電話訪問時表示難忘期間經歷：「去到當地嘅氣氛好緊張，電視成日呼籲國民提高警覺，搞到我哋都有啲緊張。因為仲要坐成個鐘車去輕井澤，但係去到之後除咗氣溫比較低之外，其他都冇影響。」
羅敏莊笑言穿上薄紗在只有7度的氣溫下感覺頗難受，她說：「件婚紗咁薄梗係凍，不過一埋位就唔覺凍。」對於兩人分別穿着和服及中山裝拍照，羅敏莊笑言感覺新鮮：「件和服要兩個專人服侍我着成半個鐘，着完覺得自己好似無綫啱啱播完嗰套《蔡鍔與小鳳仙》裏面個小鳳仙。」她表示拍照過程很順利，兩日便完成，還有時間浸溫泉，然後到東京遊玩。
連擺兩日喜宴
羅敏莊透露婚期將分開12月3日及4日舉行，分別招呼朋友及無綫同事。問到婚後有否生兒育女的打算時，她表示二人暫未有考慮，又覺得未是時候。
採訪：何永寧