花旗股市前晚升得好哋哋突然插番轉頭，唔知同業績期就嚟完結有冇關係，不過連續跌咗兩日嘅幅度都唔細，噚晚企唔企得穩對股民嘅心理有好大影響。
花旗股市跌而A股又偏淡，噚日港股梗冇運行，不過10日線有支持，期指結算前好淡角力，暫時唔會有大變。
駿威C輪17873：駿威（203）昨收3.98元，升3.9%。中央政策撐汽車業，呢類股份起碼中線都可以睇好，駿威短線有機會升上4.50元，可以諗吓隻C輪17873。隻輪現價33.5仙，2010年2月25日到期，行使價4.50元，溢價21.5%，引伸波幅56.9%，有效槓桿率5倍，正股升上4.50元，17873有機會見59仙，有逾7成升幅，如果正股跌穿3.78元，就沽咗隻輪。
俊樺