第四季啱啱開始，對中國移動（941）真係一個「新開始」，因為中移剛成為內地首宗《反壟斷法》庭外和解同埋畀1000蚊人仔「獎勵」原告嘅企業。
中國首宗反壟斷和解
事緣內地頗出名嘅維權律師周澤，喺3月話要以《反壟斷法》告中移，因佢哋嘅「全球通」品牌濫用市場支配地位，強行收取50蚊人仔嘅月租費，但佢哋另一品牌「神州行」服務就唔收。
糾纏半載，中移終於喺上星期五求和，往後免收佢月費之餘，仲賠一千蚊獎勵金！做記者出身嘅周澤話，咁就象徵中移動承認自己嘅價格方案有問題，亦象徵佢哋以後喺收費問題上唔可以再咁理直氣壯。周澤又話，家有好多中移動客仔同佢聯絡，希望佢幫手出頭，對中移動作出類似訴訟。