古天樂自2000年拍攝無綫劇集《尋秦記》後未有再拍劇，對於近日掀起無綫小生回巢拍劇熱潮，古仔自爆每半年無綫便會邀他拍劇，不過未來一兩年還未有時間配合。雖然古仔無綫出身，但他對女演員孭飛的台慶劇《宮心計》大潑冷水，直指最怕睇女人戲，更會即時轉台。
古天樂、劉青雲和鍾蕙芝（Lavina）等前晚到圓方宣傳電影《撲克王》，該片上映五日，票房超過300萬元。Lavina以谷胸裝亮相，搶盡風頭，但她強調無意搶鏡，只是為尊重場合才以性感服飾示人，她說：「我冇托胸o架，身材都冇變過。」
最近忙於拍電影《鎗王之王》的古仔，表示不擔心同期多新片上映會影響《撲》片票房，因為他覺得喜劇有一定吸引力。至於最近掀起昔日無綫小生回巢拍劇熱潮，古仔坦言與無綫仍有部頭合約，且每隔半年，無綫都會給他選擇劇本，然而因為時間配合不到才未有拍劇，他說：「我對上一次拍劇已經係2000年嘅《尋秦記》，我想構思個新題材，唔係家嘅劇種，會有啲科幻成份，不過呢一、兩年都拍唔到，如果可以揀對手，我想揀劉青雲囉。」
睇好柴九攞視帝
雖然古仔忙到透不過氣，更沒有留意現在的無綫小生花旦，但他直言台慶視帝方面睇好「柴九」黎耀祥，因為一向知道他好演技，反而他對現時熱爆台慶劇《宮心計》大潑冷水，笑指最怕睇女人戲，他說：「我好怕睇咁多女人做戲，一睇到就會轉台，因為女人戲多數講勾心鬥角，睇少一集都唔知勾到邊，反而男人戲吸引啲，可以睇到佢哋點做戲。」
青雲抗拒慘情片
此外，劉青雲將演出杜琪峰執導的新片《奪命金》，他語帶投訴口脗表示不想再拍一些太慘情的戲，還反問在場記者說：「點解要過咁悲慘嘅生活先睇到真正嘅生活意義呢？」
採訪：李珮洳
攝影：陳慧安