關之琳之前自爆蜜運中，不久即被拍下跟貌似吳卓羲的男伴約會，她昨日伸寃表示男伴原來是她胞弟，又否認外傳她賣樓勁賺過億元。入行超過20年、已息影半退休的之之，揚言厭倦工作、影相、訪問，只想畫畫、學樂器，玩樂過人生。
關之琳昨日在尖沙嘴1881Heritage出席「英國文化博覽」，之前她被影到跟貌似吳卓羲的男伴吃飯、約會，盛傳她蜜運中；又有指她原定出任亞姐嘉賓，但最終因亞姐劣評如潮拒出席，多單新聞是非，吸引了大批傳媒採訪。
否認勁賺怕追稅
甫到場之之就否認因亞姐評價差拒亮相，她說：「唔清楚，因為我11月1日喺北京有廣告工作，佢哋之前係有搵過我，但我一早推咗，所以基本上係冇（拒亮相）咁嘅事，我都冇睇過呢啲新聞。」同時又否認外傳她賣樓勁賺過億，她說：「冇啲咁嘅事，你哋咁寫，政府會追番我稅。」
提到跟「翻版吳卓羲」男伴行街食飯，之之語帶無奈說：「嗰個係我爸爸個仔，即係我細佬。你哋唔好咁寫啦，屋企人唔想上鏡，今日細佬都有嚟，但俾你哋嚇走咗。」
畫陶瓷學玩樂器
其後之之接受本報記者專訪時，再次透露厭倦工作，她說：「家半退休，都覺得唔夠時間用，我想學畫畫，學樂器陶冶性情，唔想工作，想留番啲時間嚟玩，做訪問、影相都唔想，好厭倦。」難怪她介紹自己為英國Wedgwood陶瓷上色作畫、為善學基金籌款的TrophyVase慈善花瓶，則顯得較有興趣。
之之說：「畫咗兩個鐘頭，用花做主題因為探病、結婚係送花，花代表關心、愛心，希望啲弱視嘅小朋友，手術後可以睇到啲花。」但她指因花瓶比預期大，所以繪畫的花朵密度不夠高。除關之琳外，王菲大女竇靖童也有繪畫慈善花瓶，留作上海活動籌款。
採訪：JessicaNgan
攝影：WongWaiHung