當港人正為樓價騰升、特首誠信問題怨氣冲天，突傳出阿寶「高齡」奪全運金牌嘅消息，實在令人振奮；唔單止曾局長，我也想借本欄抽水。樓上嘅戰友吾中今日重心貼阿仙奴上盤，我也想沾光，再博兩個「其他」波膽博吓大霧。
好彩有是是但但嘅電視台，今次絕不求其派出keyman呢位資深體記，老遠走到山東採訪港將嘅比賽情況；否則阿寶奪金後嘅感人場面，現場記者看似平淡但令人印象甚深嘅報道便會無法出現。
這令我想到96年亞特蘭大奧運，小弟有幸與一眾行家親證李麗珊封后嘅難忘場面；有電視台因為走啱位令主持人揚名立萬，有電視台輸頭注，就猛咁補鑊，事後第三時間上前道賀，喺幾百萬電視觀眾面前，與勝利者同哭。
阿寶衝線感動一刻
我想體育新聞報道，最重要唔係旁述嗰位講到如何天花龍鳳，如何投入當時場面，又或者好似局長咁，煞有介事咁向市民滙報已踩車近廿年嘅阿寶，喺當地幾咁艱苦。只要鏡頭能捕捉到埋門衝線、令人振奮一刻，再第一時間讓「主角」談回感受，拍下他與隊友教練嘅喜悅場面，相信大家已熱血上心；再加一公升眼淚再加鹽加醋，同「抽水」無疑。
高興從同事獨家電話訪問聽到阿寶嘅大計不只在踩車，人生路上應係多彩多姿；今天捧阿仙奴，小將也想爭上位，英聯盃都好耐未捧過，少讓利記上盤，應該追多鋪。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三22阿仙奴（上）
星期三20賀芬咸勝5:1(17),主其他(8)x星期三22阿仙奴勝4:2(40),主其他(50)2x3
簡評：今日兩個「其他」波膽，小注何妨一試？