【本報訊】「洋參大王」楊永仁直認是炒家，海嘯期間斥2億元掃約30伙新蒲崗譽．港灣，再用1億元掃3個君臨天下單位，現陸續出貨。合法賺錢，天經地義，問題是動輒以過億掃貨，非散戶可效法。不過，他說本少一樣可炒，在乎你識唔識計數。 記者：劉碧思
何謂識計數？楊永仁說，麗新發展（488）為減債，03年沙士期間，出售銅鑼灣廣場一期，「當時麗新收緊780萬元月租，我搵銀行傾（貸款），銀行都支持，但當時我冇咁多錢（支付首期），所以搵朋友夾，我知道買咗好穩陣，收嘅租夠供按揭有餘。」但朋友臨陣縮沙，結果由永安百貨郭氏家族以12億元購入。楊永仁說，當時他們出價可比永安高，慨嘆若能購入該物業，現已有可觀利潤。
朋友縮沙 失賺錢良機
另一例子，銀行按揭息率跌至歷史低位，以三成本金便可控制數億元物業。這槓桿原理很多人都明白，楊永仁的計數方式與其他人有何不同？
他以海嘯期間掃入的物業解釋，「我（低位）掃咗大堆貨，等佢上返到家（高位），賣一部份，我已賺咗。將賺咗嘅計落成本，我嘅成本低到比海嘯更低，然後再繼續持有。」楊永仁所說的識計數，說穿就是計算風險。
至於如何撈底、摸頂？楊永仁說：「買每樣嘢前，心中都有個價，唔好諗買到最低，諗住買到最低，不如等佢喺低位升返上嚟嗰一刻、環境穩定後、準備要升時才買。」
高位時 自住物業都賣
如何釐定心中定價？「香港政府地價政策沒改變前，好難買到平樓，因政府供應土地有一個尺度，如果佢唔平，人哋平賣俾你係因為資金周轉不靈，要賤賣資產，咁你點解唔買。人最驚嗰時，你就應該去買。」
不撈底，楊永仁亦不贊成試圖摸頂。金融海嘯前，他連自住的跑馬地禮頓山物業亦沽出，原因是認為已到高位。隨着樓市反彈，該物業現價更高，但他仍覺賣得值，「我賣了近4000萬元，套回現金，你知唔知海嘯期間，我買回成億過外的貨。成億過外的貨，現時變了幾錢？那一粒是子彈！」這亦是楊永仁說，本錢不足亦可炒的道理。
「人哋覺得會升先同你買，唔通覺得跌會同你買，所以賣時不應賺盡。」他更說每次均利用沽貨套現，再以三成首期買貨的方式，擴大投資規模。透過高沽低買，將本金滾大。
楊永仁簡歷
．79年與父母及3弟妹從江西來港定居
．半年後輟學到上環文咸西街一參茸海味行當學徒
．80年代初將逾10萬元積蓄作首期，買下葵涌一個595平方呎單位
．85年創業，開辦恒發參茸行，其後發展趨多元化，涉足吉林地產酒店業及長白山野山人參進口等生意
．92年在江西發展地產及投資製造啤酒蓋生意
．03年沙士期間已低調炒賣港豪宅
楊永仁部份物業買賣往績
《已售物業》
跑馬地禮頓山6座低層A室
買入日期：10/02 沽出日期：2/08
沽出：3,945萬元 賺蝕：2,124萬元
中半山輝煌大廈低層
買入日期：3/09 沽出日期：8/09
沽出：1,850萬元 賺蝕：420萬元
淺水灣蔚峰園低層B室
買入日期：5/09 沽出日期：7/09
沽出：1,950萬元 賺蝕：312萬元
中半山桂濤苑中層B室
買入日期：3/09 沽出日期：6/09
沽出：1,480萬元 賺蝕：200萬元
何文田京士柏碧廬低層B室
買入日期：10/03 沽出日期：5/04
沽出：505萬元 賺蝕：177萬元
柴灣杏花村40座中層1室
買入日期：10/03 沽出日期：5/04
沽出：483萬元 賺蝕：164萬元
銅鑼灣總統商場地下單號舖
買入日期：10/03 沽出日期：7/06
沽出：300萬元 賺蝕：132萬元
大角嘴中和樓地舖
買入日期：7/92 沽出日期：8/92
沽出：517萬元 賺蝕：97萬元
北角和富中心4座低層B室
買入日期：5/09 沽出日期：已售
沽出：860萬元 賺蝕：90萬元
中半山寶樺臺低層B室
買入日期：12/95 沽出日期：10/02
沽出：1,075萬元 賺蝕：-125萬元
《手持物業》
跑馬地樂景園中層A室
買入日期：8/09 沽出日期：市值
市值或叫價：5,500萬元 賬面賺蝕：1,850
23個新蒲崗譽港灣單位
買入日期：5/09 沽出日期：市值
市值或叫價：17,000萬元 賬面賺蝕：1,231
東半山豪園B座高層
買入日期：7/09 沽出日期：市值
市值或叫價：3,000萬元 賬面賺蝕：700萬元
山頂南區環翠園C座中層
買入日期：4/09 沽出日期：叫價
市值或叫價：1,800萬元 賬面賺蝕：320萬元
總值：7,691萬元
註：楊永仁提及的3個君臨天下單位，及葡萄園13個洋房，由於並非以他名義或旗下公司名義持有，故未有買賣資料
資料來源：土地註冊處及蘋果資料室