關楚耀(Kelvin)自從年頭在日本藏毒被捕返港後,一直閉關反省,但日前他卻被發現偷嗒前黑澀會美眉王義廷(Mika),兩人的火辣親熱照更在網上大公開,一向甚愛錫Kelvin的契爺譚詠麟(阿倫)對此顯得十分失望,前晚談及Kelvin時更以放棄的口脗說:「麻煩,同佢冇聯絡。」
譚詠麟、謝天華、洪天明、彭健新等一班晨曦B隊足球隊成員,前晚到炮台山為球隊錄製球會會歌《高低一起》,現場有20多名球員合唱,當中不乏外籍球員,阿倫就充當老師現場指導他們唱歌。
「大個仔要帶眼識人」
阿倫的契仔關楚耀(Kelvin)今年2月在日本藏毒被捕回港後,一直閉關反省,甚少外出,不過日前Kelvin卻被發現偷嗒前黑澀會美眉Mika,兩人的火辣親熱照更在網上大公開,當中有部份相片更疑似在床上拍攝,雖然事後Kelvin暗示被人擺上枱博上位,但其形象已大受影響。
對於契仔接二連三發生事端,一向甚愛錫契仔的阿倫流露失望之色,起初他表示沒看過照片,更反問記者照片是否「key上去」,笑稱是否「AV」,當得知相片沒有做手腳後,阿倫就說:「麻煩,大個仔,唔好理人咁多嘢,呢啲嘢好難講,張敬軒講得啱,要帶眼識人,自己兒女私情唔會問佢。」
謝天華催小春結婚
有人指Kelvin被人呃及擺上枱,阿倫即說:「點樣被人呃?唔知來龍去脈,唔食Jill(衞詩)食乜?同佢冇聯絡,我好忙,事業方面會幫佢,其他嘢幫佢唔到,21歲後,自己識諗。」
問阿倫對契仔是否感到失望時他笑說:「男歡女愛,大個仔有時都要調劑吓,叫佢喺屋企食果盤,唔好喺街食果盤。」
此外,謝天華已有兩年時間沒踢波,日前他就代表晨曦B隊和警隊球隊切磋,並與警界一哥鄧竟成鬥球技。至於好友陳小春傳出婚訊,他就抵死說:「吹出來咋,佢冇打嚟,佢都一把年紀,應該早啲同應采兒拉埋天窗。」
採訪:駱華齡
攝影:彭琮然