呢期來自台灣的宅男女神郭書瑤（瑤瑤），風頭一時無兩，這邊廂向o靚模下戰書，另一邊廂正準備下月來港舉行fans抱抱大會，這天偷空來到銅鑼灣一間懷舊「大牌檔」大啖36頭鮑魚仔，慘被七十年代壞蛋icon垃圾蟲搶先一親香澤。
記者︰黃家欣
攝影︰梁細權
瑤瑤一見36頭鮑即好cute地話：「好大的鮑魚！」
碗仔翅像佛跳牆
雖然瑤瑤已非第一次來港，但就抱怨沒有嚐過甚麼美食，每次都因工作排得密麻麻，被迫食飯盒，今次終於有機會一試地道美食。新開張的「香港大排檔」裝修成六、七十年代大牌檔與舊冰室模樣，菜式亦是根據當時風味，加入新式食材製作，懷舊得來有新意，如由乾燒伊麪變奏出來的乾燒叉燒蝦子麪，伊麪換上爽身的蝦子麪，更具嚼勁，配自家燒製的叉燒，皮香肉嫩。此店招牌菜之一是鮑魚撈飯，一鍋一隻36頭鮑魚仔，用鮑魚汁老雞湯熬足4小時，一打開蓋瑤瑤都話：「很香！」咬一口即用廣東話大讚：「好食！好食！」瑤瑤見到碗仔翅更嚷着要試，「還以為味道好像台北的阿仔魚翅，原來是用粉絲，而不是真魚翅，口感像真度頗高，味道濃郁，材料豐富。」大廚先將肉絲、冬菇絲用上湯煨腍，食落特別入味，難怪瑤瑤食唔停口。
懷舊碗仔翅$14
湯底夠濃，木耳、肉絲、冬菇絲等先用上湯煨腍入味，加入笋絲、粉絲，食落有咬口。
鮑魚撈飯$88
每鍋一隻36頭鮑魚仔，用老雞湯加鮑魚汁、冬菇汁，以大火熬上4小時至軟腍入味，一打開蓋即鮮香撲鼻。
清湯蘿蔔牛腩麪$28
牛腩用香料吊足兩個半鐘至入味，鬆化不會起渣，味道濃郁。
乾燒叉燒蝦子麪$35
改用更有嚼勁的蝦子粗麪，叉燒用脢頭肉，皮脆肉鬆化。
比劉德華更紅的icon
想不到才19歲的瑤瑤，原來也愛懷舊，「在台北經常去一間古董餐廳，座椅都是從古董車拆出來，不過像這種舊式大牌檔餐廳，還是第一次來，好新奇！」見店內擺着一架人力車，瑤瑤更興奮：「以前只在電視劇中見過……有沒有人給我拉？」餐廳樓高三層，每層有不同主題，第一層是大牌檔，放置木枱凳，掛滿舊式塑膠燈。二樓是冰室，紙皮石地磚、綑黑邊的卡位，窗外還貼上舊屋邨的相片、被魚骨天線勾住的紙鳶，模擬的舊景色，幾可亂真。三樓是尚在裝修的私房菜館，走摩登簡約路線。首次踏足舊式大牌檔瑤瑤感到非常雀躍，尤其見到樓梯轉角放着比她高兩個頭的垃圾蟲公仔，助手告訴她這是七十年代最紅的icon，比劉德華更出名，瑤瑤高興得即時與垃圾蟲來個熱情抱抱！
泰式椰汁冰、泰式青檸梳打各$26
椰汁冰加入鮮椰肉及忌廉，啖啖果肉。梳打用泰國青檸，加入薄荷葉碎很清新。
大排檔紅豆冰$20
紅豆糖水甜而不膩，軟綿帶豆香，面層用碎冰，入口很輕身。
香港大排檔（28383318）
銅鑼灣謝斐道456-458號地下
