勁鬧7號楊凌智八卦多事

勁鬧7號楊凌智八卦多事

大前晚亞姐準決賽要求眾佳麗互選心目中要淘汰的人選,1號莫曉菲、7號楊凌智和18號劉伊心位列三甲,與眾佳麗不和的楊凌智更是票數之冠,大會安排互選對方的莫曉菲和楊凌智同台比拼,充滿火藥味,結果三女中僅莫曉菲被叮走,楊凌智和劉伊心則順利入圍。

「處事好有問題」

對於死敵楊凌智可以留低,莫曉菲昨日仍難掩酸溜溜:「評判認為OK咪OK,我不願置評,佢票數咁高。」莫曉菲賽後直斥楊凌智人品有問題,她自爆曾與楊發生口角,楊凌智事後則自認多嘴才致誤會,莫曉菲卻有另一版本:「我同佢初初參選時相處冇問題,但後嚟見佢做嘅嘢令我好驚訝,佢做人處事好有問題,佢係一個叻女,講嘢好叻,佢個人好八卦,好似其他女人圍埋傾偈,佢又要走埋去聽。
「大會守則話唔准佳麗戴有色隱形眼鏡,有次佢戴咗俾人鬧,又拉其他有戴嘅佳麗落水,佢嘅做法好令人唔開心,中段我哋已經冇偈傾,其實可以問吓其他佳麗。」
採訪:卓寶花