上禮拜港股喺22000樓上反覆咗一輪之後，禮拜五抽上，成個勢都係要撲向23000關，不過上禮拜五花旗股市回落，港股今日可唔可以推上去，要睇噚晚花旗股市點走。
六行三保走勢同成交都對辦，呢個禮拜港股點走都要睇實佢哋嘅表現，現時睇嚟，都係偏好。
平保C輪3258：平安保險（2318）上周五收72.10元，升5.4%。股價喺兩個月內兩試100日線後回升，上周五出現技術突破，好大機會上試80元，可以諗吓隻C輪3258。
隻輪現價10仙，2010年4月26日到期，行使價68.88元，溢價9.4%，引伸波幅40.8%，有效槓桿4.4倍，正股升上80元，3258有機見15.4仙，如果正股跌穿69元，就沽咗隻輪止蝕。
俊樺