就算掌握最新軍情，勤力睇波，有時都未必明白球員嘅作戰心態有冇起變化，周日看到曼聯同阿仙奴未有高度重視對手嘅反撲能力，終失分收場。周中紅魔後備兵先再出擊，連埋剛被破身嘅列斯聯，信佢哋諗得通可追捧，加埋荷蘭盃嘅飛燕諾[-1]W，再博3串1。
上周中捱夜，睇到阿仙奴揸流攤，AZ追和好彩，前日決重點提供阿積士上盤及阿仙奴[-1]，串射最後炒三箭7球嘅前鋒，滿以為今次滿載而歸；殊不知阿仙奴犯上同曼聯相若嘅輕敵毛病，曼聯嘅442老鬼陣，中場活力全被紅軍嘅451壓住，馬後炮講，若然重頭嚟過，費Sir會否應用上季末對付阿仙奴般，排多位工兵同對手搶中場制勝，沒有謝老四，我想莊家同曼聯都看輕了「海鮮波之霸」利記！
荷蘭盃夠正氣
阿仙奴更令人氣結，明明贏梗，又犯上對AZ時嘅毛病，領先韋斯咸2球後放軟，艾沙維發炮射失在笑，驕傲冇好下場又一例證，艾迪巴約對上一個聯賽入球已是9月12日，你睇吓佢家踢波仲笑得出咩？
今晚曼聯半力踢盃仔也勢破班士利、剛被破身嘅列斯聯英甲作客又要讓布里斯托流浪，今季列斯聯只要醒醒定定，應可升班，有分頭不會放過；加埋向來正路嘅荷蘭盃，飛燕諾鬥乙組嘅丹保殊，可贏兩球。
（下次見報日：周三）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期二14列斯聯(上)(2.05)
星期二11曼聯勝(1.38)x星期二15飛燕諾勝[-1](1.63)2x1
簡評：剛轉冬令時間，大家捱到夜睇到最新軍情嗎？