鄭秀文（Sammi）在新碟中夥拍不同音樂人，其中首隻派台歌《罪與罰》與組合24味合作，日前Sammi和24味一同到石澳拍MV，剛巧碰到有一對新人拍婚紗照，問Sammi有否結婚衝動？她直言已過了希望結婚的階段，現在對感情一切隨緣，惟獨仍對單眼皮的男士情有獨鍾。
久未出碟的鄭秀文即將推出新碟，早前聯同跟她合唱福音歌《罪與罰》的24味到石澳後灘拍MV，今次是他們第一次合作，唱片公司找來台灣導演鄺盛執導MV。問24味對Sammi有甚麼感覺？他們不約而同認為Sammi的皮膚很白，又大讚她：「Sheishot!」
自詡越活越青春
問Sammi為何找24味合唱？她說：「呢首歌需要好好嘅rapper幫我負責一部份，由揀歌到等佢哋嘅歌詞，到今日拍MV，我內心真係有一種感動，覺得一直想做嘅福音歌終於可以落實，真係好多謝24味。」她表示這首歌是講原諒，她認為各人在寬恕別人的同時，在日常生活裏也等待其他人的寬恕，Sammi直言每個人都會犯罪也會做錯事，如果別人可以給予機會，大家應珍惜機會改過。
剛巧拍攝現場有一對新人影結婚相，問Sammi有否勾起結婚的衝動？她笑說：「冇，唔好意思，可能因為套婚紗唔夠靚，如果我結婚一定要着一套靚啲。30幾歲嘅時候有諗過結婚，但家唔諗，因為我好似變番20幾歲，到出年就會變番10幾歲，到時更加唔會諗結婚。」
問24味覺得Sammi應配甚麼類型的男士？幾位成員立即推舉Brandon，他們笑說：「因為Brandon得意又純情，如果佢同Sammi一齊又可以學中文，一舉兩得。」但阿肥大爆Brandon鹹濕，叮囑Sammi小心，之後阿肥又補鑊說：「其實鹹濕唔係唔好，如果男人唔鹹濕嘅話，唔係一個好情人。」不過Sammi表示還是喜歡單眼皮男士。
24味成員公然小解
另外，拍攝當日，24味成員阿傑被發現公然在石澳石灘小解，認真不合衞生。他在場更不時逗Sammi玩笑，相當投契。
撰文：葉雪
