台灣樂隊蘇打綠前晚喺上海舉行演唱會，近期喺上海工作嘅林志玲雖然冇到場，但就送咗煲湯畀佢哋以示支持。主音青峰（圖）做埋司儀，一出場就講笑咁話：「歡迎來到脫光狂熱世界夜總會。」之後仲好識做咁唱咗好多上海人啱聽嘅老歌，好似《夜上海》同《情人的眼淚》等嚟班上海歌迷，搞到佢哋好興奮。