荷甲曾盛極一時，現今卻無力也文也武，但仍人才輩出。唔少質優荷甲兵續散佈主要聯賽，話佢哋早熟早殘，咁你又會點睇老而彌堅嘅AC米蘭中場施多夫；再講今屆歐洲球壇其中一個最成功收購，來自阿積士嘅阿仙奴比利時中堅華美倫，相信會獲唔少支持。今天重心，捧荷甲「兵工廠」阿積士。
撐前鋒向冠軍挺進
看過上周中貴為應屆荷甲盟主阿爾克馬爾（AZ），喺歐聯對阿仙奴嘅水準，能夠和波，全賴對手末段漫不經心，講級數差兩三班，亦與數年前參戰嘅燕豪芬及阿積士差一截；不過亂世時代輪流威，後兩者今季淪為踢歐霸盃，但相信荷甲好快又會改朝換代。走了名帥雲高爾兼應付雙戰線嘅AZ，今天雖然迎戰阿積士仍獲受讓，對手近年被挖走太多精兵致未能逞威，但又漸回復正軌，剛主場踢歐霸盃時從容不迫贏波，加上傷兵近無，陣容調整能力遠比AZ高，上盤高水博得過。
另日聯亦正呈亂局，今當取前鋒拔走三箭向冠軍挺進，因餘下4仗對市原、三神、天鵝及柏雷素爾過關難度不高，締造新朝代在望？冒進者，可再串阿仙奴在打吡戰贏韋斯咸兩球或以上開「客勝」，兵工廠上仗下半場有揸流攤之嫌，加上周中踢英聯盃會換上大量小兵，主力們，今戰仲唔嚟料？
（下次見報日：周二）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日24阿積士（上）（2.05）
星期日16川崎前鋒勝（1.77）x
星期日47阿仙奴勝[-1]（2.4）
簡評：冷熱任君選，3x1更有肉食。