關仁隱事:「走音金毛」攪屎棍 - 關仁

關仁隱事:「走音金毛」攪屎棍 - 關仁

女歌手「走音金毛」除咗唱歌渣,啲演技又差,關仁一早聽過走音金毛係攪屎棍,好鍾意搞風搞雨,跟同事又唔夾,人人怕佢之餘,又乞人憎。走音金毛同死敵女歌手「大肥」喺公司水火不容,但走音金毛為求博同情,最鍾意用淚功冧高層,相反大肥份人就硬淨啲,照計走音金毛嘅楚楚可憐樣全部係假戲,好唔明佢演得咁投入,但拍戲時又偏偏出唔到感情。關仁覺得佢最啱做紙上明星,因為是非同見報率都夠晒多。
Textby關仁