楊千嬅昨日在旺角出席新碟簽名會，未知是否人多擠逼關係，有歌迷突然暈倒，清醒後被送住醫院，曾任職護士的千嬅就未有被嚇倒，她說：「點會怕，頭先我做指揮，叫啲人唔好逼埋嚟，仲幫個歌迷通知佢媽咪，我起晒佢底，之後會再慰問吓佢。」
默認同黎明爭執
千嬅快將與AMusic約滿，有傳她將會簽約林建岳的東亞娛樂，問到她何去何從，千嬅坦白說：「我係就嚟滿約，仲有幾個月時間，想忙埋手頭上啲工作先諗。我覺得藝人同經理人公司關係就好似情侶咁，其間可能有意見同爭執，最後都係為件事好，都好想好似我人生咁可以開花結果。咁同AMusic都感情深厚，三年來黎生（指黎明）都畀咗好多新思維我，林生都好支持我，到時先再算，睇吓段感情有幾多誠意，好多嘢講唔埋，啲人夠以為我嫁唔出，最後咪又嫁咗。」
若千嬅過檔東亞，豈不是要與鄭秀文（Sammi）爭一姐之位，到時又將二人比較，千嬅說：「由華星年代已經比o架啦，唔比我仲會失落㖭，乜都傳過啦，咪當啲題目循環再用囉，冇乜所謂。」
採訪、攝影：胡比
