黎明和老婆樂基兒婚前婚後，一樣各有各忙。前晚8時多，黎明和死黨關兆昌兩個人在跑馬地出現，去了Benson酒吧餐廳嘆紅酒，兩人意猶未盡更吩咐司機隨女侍應去對面酒館買紅酒。
樂基兒星洲開工
黎明發現記者後，未有即時離開，只是着侍應拉埋窗簾繼續嘆。飲了個多鐘頭，二人才分頭走人，黎明飲到面紅紅、酒氣冲天，但心情輕鬆，沿途微笑，而兩人都非常自律，飲酒後坐乘客位，由司機接載離開。
老公偷得浮生，黎太樂基兒就去了新加坡開工，她穿上一條Valentino閃片裙，扮靚靚出席當地名店新地標IONOrchard的開幕晚宴，欣賞Valentino亞洲區首個高級訂做服時裝騷。
採訪、攝影：
楊浩賢、羅德光