每年一度嘅《翡翠歌星賀台慶》又嚟啦！噚日一班歌星去到將軍澳電視廣播城出席記者會，但現場大粒歌星只有陳奕迅（Eason），其他就有鄭融、鄧麗欣（Stephy）同好姊妹吳雨霏（Kary）等，節目司儀將由鄭裕玲擔任。
Eason領唱天王作品
今年個騷會移師到澳門演出，主題名為「MusicJourney」，一班歌星會演唱香港樂壇嘅經典名曲，其中Eason會率領鄭融、Kary、胡琳同G.E.M.唱四大天王嘅作品，容祖兒同楊千嬅就互唱多年嚟對戰歌手，好似張國榮同譚詠麟、葉蒨文同林憶蓮嘅歌，啱晒呢兩個宿敵同台對唱。
問到Eason有冇覺得一個人撐噚日記者會場？佢話：「唔係喎，今日好多人，我係樂壇哪吒，一樣咁百厭。」Stephy同Kary一齊做訪問，提到早前有網友將Stephy接受英文傳媒訪問時，以英文回答嘅出醜片段放上網，因為當中Stephy嘅英文好差，文法錯晒，爆咗一句：「Iamverythanksthem.」（編按：正確應為「Iamverygratefulfortheirsupport.」）對此Stephy話：「我未試過接受外國記者訪問，係應付唔到，我會努力進修，我工作目標係進軍荷李活！」Kary聽到好姊妹咁講都忍唔住笑出嚟話：「我好欣賞你。」
