自從海洋公園在萬聖節大搞「全城哈囉喂」後，越來越多人在這個西方洋鬼節扮鬼扮馬，扮完唔夠喉，玩埋鬼屋先算應節。其實鬼屋早於荔園時期都有，但這個主題公園，今年共設8間鬼屋，令全場鬼聲鬼氣，貪玩的農夫日前跟師妹樂童試玩「冥通中心」、今年重頭戲「彭氏兄弟之鬼域」和「魔大迎新夜」，睇吓人玩鬼，定係鬼玩你。 撰文：王連連
城寨再現 陰陰森森
以電影《鬼域》做藍本的鬼屋，你會經過伸手不見五指的森林，嘩鬼會躲在兩旁，待你一不留神就衝出來。其中一個眼神空洞的嘩鬼，拿着裝滿血的樽作狀爆你樽（圖A），又有假人被吊在樹間，現場漆黑一片，樂童嚇到一直跟着兩個師兄壯膽。
疑幻疑真的佈景還有被遺棄的城寨（圖B），暗黃燈光下，氣氛極度陰森，農夫說：「呢個做得好真好似，充滿咗神秘感。」經過城寨後，便到了被遺忘的遊樂場，跟電影中的一幕有異曲同工之妙。
女鬼荷花池等愛郎
百年香港鬼，在校園也有不少。嘩鬼荷花池女鬼站在水池（圖C），現場煙霧瀰漫，燈光昏暗，配合女鬼粉藍色的瞳孔，令人心寒。嘩鬼情深地望着陸永（右）說話，記者要求「人鬼」合照時作狀吻陸永，女鬼竟說：「唔得o架，都話我心有所屬咯。」
這個校園鬼屋，還有少不了嘩鬼，雖然驚嚇度真係較其他的低，但勝在場景和人物化妝也花盡心思和很逼真（圖D）。
戲院嘩鬼嚇破銀幕
這間較似舊式鬼屋內，有一個荒廢的戲院，全以電影為主題。進入屋內即有機關，天花掛了很多菲林，當你分神撥開之際，一隻假鬼在棺材內彈出來，略為小兒科，農夫和樂童見到反而哈哈大笑，更作狀被嚇倒來影相（圖E）。走過一條通道，去到荒廢戲院，嘩鬼從銀幕中間爬出來（圖F），座位上則坐了很多骷髏骨，後排還有女鬼在尖叫。陸永和樂童細聲地說：「嘩，呢個真係俾佢嚇一嚇，幾驚吓。」
周街鬼咁老友
在冥通中心門口，顧「嚇」服務員（右）不斷跟陸永咬耳仔，原來陸永遇到舊同事，他說：「幾年前我曾經喺度做兼職扮鬼博士，見工時佢哋仲想我扮鬼對住客人rap住講嘢。其他好多鬼我都認得係識嘅。上年都有嚟鬼街，班鬼邊行邊問我哋幾時出碟。」
攝影：仇志德
化妝：VinicTseng（樂童）、ManYee（農夫）
髮型：RentonHung@ivailcolpo（樂童、農夫）
