早幾日睇新聞，話一名涉嫌非禮女病人嘅醫生，其律師求情時指，呢個醫生讀書成績好，真係聽到我晒頭，讀書成績幾時同你嘅人格可以掛鈎呢？而呢個求情理由我已經唔係第一次聽到，再早輪，有一個名校中學生涉嫌非禮空姐，辯方求情時又係佢係尖子學生，仲話有著名大學已經取錄咗佢。如果讀書勁就一定唔會犯罪，就唔會有「智慧型罪犯」呢個名詞啦！呢個世界可以話變得充滿歪理，如果唔係，33樓又點會變成88樓呢？
不過，世界點變，我嘅推介成績始終冇變，仍然係L，上仗推介老葉以毒攻毒都唔掂，今期惟有試下跟紅頂白，車仔呢期回起，周六迎布力般冇理由開唔到「主勝」啫？
文：吾中
近5場往績：LLLLL
讓球主客和：車路士勝[-1]
心得：博翻身惟有跟紅頂白