剛過去一個禮拜，我嘅賭波運程風高浪急，成敗全屬一線間，希望嚟緊嘅推介咪咁刺激，畢竟人到中年，尤其有直播，有時真係受唔住。長期屈居阿2、做咗紐記看守領隊多月嘅「大眼仔」曉頓，據聞即將坐正，今日佢哋主場對唐卡士打，憑超班質素輕勝，單W應穩；但小弟再推介大家「讓球主客和」「主勝」，望今次贏得輕鬆啲。
本欄由上周日推介大阪櫻花起，之後葉士域治同湘南比馬，仲有自己心水列斯聯，勝負全在最後一、兩分鐘決定，葉士域治喺94分鐘被追和無法開齋，單W泡湯，美中不足；可見賭波無必勝，不過只要有值博率，還是值得小注怡情玩吓嘅。
唐軍只靠主場逞強
今天重心，博兩連敗嘅紐記喺英冠主場殺低唐卡士打，東北部球會份工唔易打，米堡嘅修夫基剛贏波後即被炒，原因係球隊門票收入大減，唉，降咗班高層賣走多位星級球員令球迷唔入場，又要領隊孭鑊？難怪做了幾個月暫代領隊、一向做人副手嘅曉頓，都話：「現今球壇再冇令佢覺驚訝嘅事情咯。」
紐記仲保留多位星級球員，每場仲有4、5萬人睇，曉頓真係要把握剎那光輝；對手唐卡士打一向只識打主場，只懼紐記中堅史提芬泰萊養傷又失波，所以補番個3:1波膽。
（下次見報日：下周日）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六29紐卡素勝[-1]（2.45）
星期六6大阪飛腳勝3:1（12）、4:1（25）x
星期六29紐卡素勝3:0（11）、3:1（13）2x3
簡評：又到周末，當然要加條2x3波膽，娛己娛人。