【本報訊】兩大家庭遊戲商Sony及微軟早前鬥減主機售價後，戰事進一步升溫，各自「升呢」推新遊戲同搶宅女巿場。SonyPS3大玩寵物體感遊戲，讓玩家可與虛擬馬騮仔互動玩冲凉。微軟Xbox360一口氣推60款遊戲，其中主打賽車遊戲首設輔助系統增加女車手快感，而明年推出遊戲偵測器ProjectNatal全面發揮體感遊戲搶客。
記者：蔡朗清、翁煜雄
PS3虛擬寵物sell互動
PS3最新虛擬寵物飼養遊戲《EyePet》，只要將遊戲附有的視訊攝影機「PLAYSTATIONEye」接駁至主機，並放在電視機旁將鏡頭向着前面；啟動遊戲後，電視螢幕會顯示玩家的樣子及周遭環境，一隻可愛馬騮仔便會出現。
結合真實與虛擬環境
當玩家拍掌等，馬騮仔會擺尾，輕掃其背部更會舒服得「反肚」。記者日前率先試玩，揮手指示馬騮仔跑來跑去，動作稍為粗魯或突然大聲拍掌，牠會被嚇得彈起。
玩家更可為馬騮仔洗白白，只要雙手搓一搓，牠便全身「起泡」，再變出風筒吹乾便「靚仔晒」；若太久不洗澡會被蒼蠅纏繞。
SonyComputerEntertainment（SCE）市場部經理趙善盈說，這遊戲是利用「擴增實景」（AugmentedReality）技術，透過鏡頭結合真實與虛擬環境，讓玩家利用體感操控與馬騮仔互動，相信會受少女、情侶及家庭歡迎，「體感互動遊戲係遊戲發展大方向。」
Sony暫定12月更會推出3D遊戲《阿凡達》（AVATAR），配合3D電視便可看到遊戲主角立體影像，讓玩家如置身戰場中。趙善盈透露年底聖誕在灣仔會展舉行亞洲遊戲展，體感及3D遊戲都會是主題之一，讓入場人士任玩任試。
EyePet
特色：玩家可與虛擬馬騮仔互動玩耍，包括冲凉、剪毛、打保齡球等
推出日期：11月5日
售價：438元（遊戲軟件連PLAYSTATIONEye）
代理商：SonyComputerEntertainmen
Xbox360熱捧女車手
Xbox360本月起至年底一口氣推出60款遊戲搶攻聖誕巿場，當中主打賽車遊戲《ForzaMotorsport3》日前在港全球首賣，即場不但吸引宅男試玩及搶購，連宅女也玩個不亦樂乎。
與真車一模一樣
微軟香港娛樂及設備事業部總監黃鉅添表示，過去家庭電玩以男性巿場為主導，現改變策略照顧女性，即使港男至愛的《Forza3》也首設新手駕駛輔助系統，來增加女士賽車快感，「有咗呢個輔助系統，啲女仔唔使吓吓撞車咁冇癮。佢哋仲可以經XboxLIVE搵同一level嘅對手。」
黃鉅添續稱，現時玩家要求越來越高，遊戲設計像真度要更高，畫質高清又要環迴立體聲效果，「好似《Forza3》咁，有成400款車，外貌、內櫳同引擎聲同真車一模一樣。」
他強調，Xbox360以遊戲多及價錢便宜取勝，年底前會推出多款獨家遊戲如《Ninety-NineNights2》戰爭遊戲、《LipsNumberOneHits》卡拉OK遊戲、《LeftforDead2》喪屍遊戲等。價錢200元至400元不等。明年更會推出全球首創，將體感遊戲發揮極致的遊戲偵測器ProjectNatal，「屆時玩賽車遊戲唔使任何控制桿、軚盤，只要透過ProjectNatal，用家只要坐喺沙發就可以揸車。」
ForzaMotorsport3
特色：汽車外貌及內櫳與真車無異，新設自動制動系統等供女孩使用
推出日期：即日起
售價：309元(限定珍藏版349元)
代理商：微軟香港