前幾日放假，夜晚去完街返屋企睇咗少少3色台套台慶劇《富貴門》。套劇嘅卡士好強勁，有呂良偉、羅嘉良、袁詠儀、薛家燕等，佢哋都係好戲之人，演技唔使懷疑，之但係，佢哋幾個都係我由細睇到大嘅演員，所以年紀有番咁上下。呂良偉真係keep得好好，望落去完全唔似年過5張，同家燕姐演母子本來完全冇問題，但我知佢哋只係差幾年，感覺上真係有啲怪怪地。查實3色台要搵番啲上一代嘅藝人嚟重頭戲，證明呢代嗰啲真係孭唔到飛。
AC都係靠老鬼孭飛，班波係就係老咗啲，但係勝在經驗好，而且係連殺「雙馬」羅馬同埋皇馬之後，個form亦似乎好番好多，禮拜日作客基爾禾，信佢哋可以連贏多一場。
文：青蛙仔
近5場往績：WDWWW
主客和：AC米蘭勝
心得：AC班人唔係啲人講得咁差