【上月燈神】「想買一把寶劍，可切開導火的線……」原本私底下賭波連贏13個禮拜，點知最尾一日為咗保住佳績，唔想連嗰200蚊都輸，結果恨錯難返，過去一周要輸4位數字。諗番轉頭真係錯晒，為咗兩嚿水唔見幾千，好彩呢個禮拜贏凸幾倍有多，收工！
周二應前度戰友賴恩要求，去咗佢婚前嘅兄弟姊妹聚餐，大家互相認識咁。睇見班兄弟團，有一兩個真係好似畢傑啲朋友類型，又係衰衰格格，把口又係好鬼賤。不過我諗到我做老襯嗰日，我班兄弟團仲會衰佢哋一百倍！好彩伴娘唔算係天姿國色，費事襯唔起佢嘛。喺度再恭喜賴恩同老婆仔V，有個美滿婚姻。
〈畢賭翁〉連贏9期之後，上周終於俾史特加搞到斷纜，估唔到呢班波近況真係衰成咁，主場都要輸畀史浩克。今期千揀萬揀都唔算有太多好嘢，讓得多又費事博「主勝」、「客勝」喇，不如穩穩陣陣揀個鐵膽，要英甲高車士打個單W算數，1.6倍唔好嫌棄啦。
文：畢傑
近5場往績：LWWWW
主客和：高車士打勝
心得：無論賠率同軍情都有利